يا أهل السياسة والمناصب والكراسي.
وأهل المصالح والفلوس.
من ذي نهب قوتي ومن ضيع حواسي.
وأدخلني الظلمة غطوس
من السبب يا ناس في قرقاح رأسي.
الحوثي أو لا عيدروس.
الاقتصاد منهار والوضع السياسي.
مسدود من ضيق النفوس.
وأحنا فرحنا يوم جاء مجلس رئاسي.
لكن خلس جلدي خلوس.
وأسعار نار النار هدت كل راسي.
وأنتوا على الكرسي جلوس.
إن قلتوا الحوثي سبب كل المآسي.
قلنا لكم صح المجوس.
وإن قلتوا أن الوضع كله وضع قاسي.
فأنتوا ذبحتونا بموس.
اذكرك يابن العليمي لانت ناسي.
من يوم زفيت العروس.
فصلتوا المجلس عليكم بالمقاسي.
وأنا أكل الكدمة يبوس.
مجلس مفصل مثلما الفصل الدراسي.
لكن نسيتوا للدروس.
الوضع واصل في تراجع وانتكاسي..
كله على حسب الطقوس.
يوم يطلع الدولار لا أعلى مقاسي.
ويوم نتغداء غسوس.
خليتوا الواطي شمخ فوق الرواسي.
والعنز من فوق التيوس.
لو نجتمع في صف لايظهر حماسي.
وارجع الحوثي ريوس.
لكن خذلتوا جيشنا وأهلي وناسي.
كما خذلتون الكبوس.
