يا جماعة في بكل محافظة من محافظات وطن الشموخ هادا تراث أصيل يتكلم عن عقود طويلة مرت بنى فيها أجدادنا حضارة عملاقه على مستوى المادي والإنساني، وهادا التراث لازم يبقى ويستمر عشان يبقى تاريخنا حاضر على شاشه المستقبل.
أني أتمنى أن شبابنا يغيروا من اهتماماتهم السياسة اللي لاتسمن ولا تغني من جوع ويصوبوا جهودهم نحو أحياء معالم ومآثر وآثار الوطن وقاماته الثقافية والأدبية. لأنه الاهتمام بالجانب السياسي فقط أثبت فشله الذريع بسبب ما خلفه من انقسام في الرأي اللي نتج عنه حتما انقسام في الرؤى والأهداف الوطنية. وما اخبيش عليكم الكلام في السياسة أصبح مقزز وممل ومثير للغتيان. صدقوني ٬ السياسة لها ناسها٬ فأحسن لنا نسيبه ونهتم بالجوانب الثانية اللى لما أغقلناها تركنا ثغرات كبيرة تسلل منها فئران الغدر والخيانة وعشان يد مروا ماضينا فوق ما قدهم يدمروا حاضرنا.
ما عيلنا خلاص٬ نحنا عيال اليوم٬ والوطن بإذن الله بخير٬ طالما وفيه رجال تدافع عن أرضه ورجال تانين ونساء كمان يدافعوا عن تاريخه وثقافته. والموضوع دا لازم أحد ينتباه ويشتغل عليه٬ واني أتكلم بوضوح شديد وبدون أي حواجز٬ المدارس ومنظمات المجتمع المدني هي فعلا المعنية بدا الكلام٬ لأنه هي اللي تحمل مشعل العلم والتنوير وإبراز الحقائق وهادا مش صعب طالما وفي منهج واضح تنتبه مثل دي الجهات.
يعني مش صعب يتم التنسيق مثلا بين منظمات المجتمع اليمني لإعداد وتنفيذ خطط توعوية وتثقيفية تجاه الرسالة الوطنية اللي لازم يبلغها كل إنسان مننا سواء كان صغير وإلا كبير.
يعني مش معقول يا جماعة تروح ملايين الدولارات ومثلها من الريالات وجهود مثل الجبال ونحنا نثقف الناس كيف ومتى وليش تغسل يدك بالصابون!... في الحاجات أهم من كذا بكثير. وإلا كيف تشوفوا أنتم؟!! يعني تراث الوطن المادي والإنساني أهم وإلا دي البرامج اللي تشتغل عليها أكثر من منظمه دولية ومحلية كمان؟
